اسلام آباد۔ 26ستمبر (اے پی پی) امریکہ ٹی پاکستان نا سفیر علی جہانگیر صدیقی دی پاکستان فیڈریشن آف کامرس اینڈ انڈسٹری (ایف پی سی سی آئی) نا ڈل انا دورہ امریکہ ءِ خوش آئند گوندسا پارے کہ داڑآن ہڑتوم آ ملک آتا نیام اٹ واپار ودک، امریکی زرکار آتے پاکستان نا دورہ نا سلہ خلنگ انگ ءِ وخت اس کہ ویزہ نا دوئی کننگ ءِ ہم آسان جوڑ کننگ نا کوشست جاری ءِ۔ امریکہ ٹی پاکستان نا سفیر علی جہانگیر صدیقی داہیت ءِ ایف پی سی سی آئی نا صدر غضنفر بلور تون ہیت وگپ کرساپارے۔ اوپارے کہ بنجائی چیمبر نا سلاہ و سوج آتیا سنجیدگی اٹ سجفنگک و قابل عمل سلاہ و سوج آتیا عمل کننگک۔ پاکستانی مصنوعات آتا امریکہ ٹی جتا ہند آتیا نمائش ءِ کننگک وخت اس کہ پاکستانی کاروباری برادری امریکی زرکار آتے کن سرجم سلاہ پیش کے۔
