اسلام آباد۔ 25ستمبر (اے پی پی) مسلم لیگ (ن) نا راہشون ڈاکٹر آصف کرمانی پارینے کہ پاکستان امن نا نشان ءِ ، بھارتی دھڑکوتیان خلیپک ، گیس انا نہاد آتے ٹی ودکی آن کبینی نا طوفان بریک، نواز شریف نا حکومت صنعت آتیا سبسڈی تس ہرافتے حکومت چٹفے۔ سے شنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ بھارت اولیکو دے آن پاکستان نا برخلاف ءِ، پاکستان بھارتی دھڑکوتیان خلوک ءُ ملک اس اف و نئے کس اسے ٹی داخہ جیرت ارے کہ پاکستان نا کنڈآ خراب انگا نظر اٹ ہُننگ کے، اوپارے کہ تحریک انصاف ہرادعویٰ تے کریسس داسہ وخت بسنے کہ اوفتیا عمل کے۔
