اسلام آباد۔ 25 ستمبر (اے پی پی) پاکستان تحریک انصاف نا باسک قومی اسمبلی اسلم بھوتانی خواست کرینے کہ پی ایس ڈی پی ٹی 225 ارب نا کٹوتی نا اثرآتیان بلوچستان ءِ مستثنیٰ گوندنگے۔ سے شنبے نادے ضمنی مالیاتی بل 2018 ء آ شرہ ٹی بشخ ہلسا اوپارے کہ حکومت گرج انا رداٹ نظرثانی مروک بجٹ اس پیش کرینے۔ شونداری بجٹ آ خلوک انگا 225ارب نا کٹوتی آن بلوچستان ءِ مستثنیٰ گوندنگے۔ ڈٹ بندی کمیشن گوادر نا اہمیت ءِ مون آ تخسا اونا شونداری کن فنڈ جاری کننگ ءِ المی جوڑ کے۔ اوپارے کہ حب و لسبیلہ ٹی اہم صنعت آک ءُ ہرافتا صدر دفترآک کراچی ٹی ءُ ہنداخاطرآن یکجا مروک آ ریونیو سندھ ءِ ملک۔ دا ریونیو بلوچستان نا بشخ اٹ بایدے کائے۔ گوادر ماسٹر پلان آ ہم ہچ ءُ کٹوتی اس کننگپ۔
