اسلام آباد ۔ 25 ستمبر (اے پی پی) مسلم لیگ (ن) نا صدر قائد حزب اختلاف شہبازشریف پارینے کہ ساڑی آ حالیت آک حکومت آن زیات حزب اختلاف نا امتحان ءِ ،اسہ تاریخی ءُ کڑد اس ادا کرسا ملک و قوم ءِ ہر حال اٹ مایوس کپنہ ۔ او سے شنبے نادے پارلیمنٹ ہاؤس اٹی پارٹی نا اسیجا پارلیمانی پارٹی نا دیوان آن تران کریکہ ہراٹی پارٹی نا سینئر سرکڑدہ ، سینٹ و قومی اسمبلی نا باسک آک بشخ ہلکر ۔ شہباز شریف پارے کہ نن داسہ پارلیمنٹ نا تہٹی و پیشن قوم و ملک انا فائدہ غاتا رکھ اکن ہم پبی خواری ، جوزہ و دیانتداری اٹ کاریم کینہ ۔ ہندا دیوان اٹی ملک انا جم اٹنگا سیاسی حالیت آتیا سلابت کننگا و آخبت نا حکمت عملی ءِ طے کننگا ۔ دیوان اٹی پبلک اکاؤنٹس کمیٹی و مجالس قائمہ نا چیئرمین تا تقرر نا بابت پن تے حتمی دروشم تننگا۔دیوان اٹی دا ہم فیصلہ کننگاکہ سی پیک، لوکل باڈیز نظام و شونداری پروگرام نا بابت جتا راہشون نئے بیرہ پدریسہ حکومتی گام گیج آتیا نظر تخرہ بلکن دارداٹ رائے عامہ ہم آوار کننگک و قوم ءِ دا اہم معاملہ غاتے ٹی پدریسہ باخبر تخنگک۔ دیوان اٹی لوکل باڈیز نظام نا رکھ انا بابت چندی گام گیج آتا ہم جاچ ءِ ہلنگا۔
