اسلام آباد۔ 24ستمبر (اے پی پی) سینیٹ نا قائمہ کمیٹی امور خارجہ نا چیئرمین سینیٹر مشاہدحسین سید چین پاکستان اقتصادی راہداری ٹی سعودی عرب ءِ مسٹ میکو شریدار نا وڑاٹ سلہ خلنگ نا پاکستانی پیش کش نا خیرمقدم ءِ کرسا پارینے کہ داڑآن چین و خلیجی ملک آتا نیام اٹ پوسکن آ واپاری روٹ انا جوڑ کننگ اٹ کمک رسینگک۔ تدوک آ دے بیجنگ اٹی ’’اے پی پی‘‘ تون خصوصی ہیت وگپ کرسا اوپارے کہ اقتصادی راہداری نئے بیرہ پاکستان و چین اسکان محدود ءِ بلکن دا ڈیہہ و ڈیہہ آن پیشن ملک آتے کن شونداری و رابطہ کاری نا اسہ فریم ورک اسے۔ اوپارے کہ سعودی عرب پاکستان برادر و سنگت ملک ءُ و سی پیک اٹی سعودی عرب نا شمولیت آن ڈیہہ نا ایلو ملک آتے ہم دا اہم ڈٹ اٹی اوار مننگ نا ترغیب ملک ہرا ڈیہہ ٹی امن ، سوگوی و شونہالی کن المی ءِ۔
