اسلام آباد۔ 24ستمبر (اے پی پی) بنجائی وزیر اطلاعات و نشریات چوہدری فواد حسین ایسوسی ایٹڈ پریس آف پاکستان (اے پی پی) ءِ مالیاتی لحاظ اٹ سوگو و محکم ادارہ اس جوڑ کننگ کن جامع پلان اس ٹہیفنگ و ادارہ نا کٹیا و خڑچ آتے ٹی پرخ ءِ کم آن کم کننگ نا گام گیج آتا پارت کرینے۔ او تینا وزارت نا قلمدان ءِ سنبھالنگ آن پد اسلام آباد اٹی اے پی پی ہیڈ کوارٹر نا تینا اولیکو دورہ نا وخت آ ہیت وگپ کریکہ۔ اوپارے کہ ادارہ نا کارکڑد ءِ گچین جوڑ کننگ کن انسانی وسیلہ غاتے گچین وڑاٹ کاریم اٹ اتنگے۔ اوپارے کہ پیشن نا ملک تعینات اے پی پی نا نمائندہ غاتا کاریم نا کچ اٹی ودکی کن اوفتا تربیت نا بست و بند کننگے و تعلقدار ملک آتا بولی نا کورس آتے کرفنگے۔
