اسلام آباد۔ 24ستمبر (اے پی پی) صدر آزاد کشمیر سردار مسعود خان بھارت ءِ خبر دار کرینے کہ او غیر زموارانہ بیان آتیان جنگی جنون ودی کرسا خاخر تون گوازی کننگ نا جاگہ غا جموں و کشمیر نا جھیڑہ ءِ سیاسی و سفارتی وڑاٹ ایسر کرسا ڈیہہ ٹی امن و سلامتی ءِ المی جوڑ کننگ اٹ تینا کڑد ءِ ادا کے۔ دوشنبے نادے کشمیر ہاؤس اسلام آباد اٹی برطانوی ہاؤس آف لارڈز نا باسک لارڈ نذیر احمد تون اوار پریس کانفرنس آن تران کرسا اوپارے کہ پاکستان و جموں و کشمیر نا الس امن پسند ءُ و او اقوام متحدہ نا قرارداد و جہانی کانود نا رداٹ تینا ودی مروک و جمہوری حق، حق خودارادیت ءِ خواہنگ ءُ۔ ہرانا ورندی ٹی کوزہ گر بھارتی فوج کشمیری تا لس خون ءِ کننگ ءِ۔ اوپارے کہ بھارت پاکستان آن امن مذاکرات نئے اقوام متحدہ و انسانی حق اکن کاریم کروک آ ادارہ غاتے مقبوضہ کشمیر نا تہٹی ہِننگ نا موکل تننگ کن تیار ءِ۔
