اسلام آباد ۔ 22 ستمبر (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ بھارت ءَ دوئیں ملکانی دری کارانی وزیر انی نیام ءَ اڈ گند ءُُ نند مہتل کت ردیں سوچ ءِ پدرائی کتگ،مہ گپ ءُُ تران ءِ ھاترا وتی دست دیما کتگ بلے بھارت ءَ وتی دست دور کتگ ،میاں اوستمانی تبک ءَ بھارت ءِ مکروہ دروشم پدر بوتگءُُ پاکستان ءِ شریں پجار دیما اتکگ، پاکستان مروچی راجدپتر ءِ راستیں نیمگا اوشتاتگ ایں، پاکستان کرتارپور بارڈرپچ کنگ ءِ ھاترا ءَ ساجو انت، امریکی دری کارانی وزیرءِ تروتاب پاکستان ءِ پدا امریکہ ءَ وتی سوچ بدل کتگ ات، بلے بھارت وتی شوچ ءَ بدل کنگ نہ لوٹگ انت تو آہی مرضی انت،مہ لوٹگ ات کہ سی پیک ءِ ثمرات اُلس تاں سر بنت، سعودی عرب سی پیک ءِ تہ زرکاری ءِ ھاترا راضی ات ،مہ 70سال چہ مڑگ اوں، پاکستانی بیرک ءِ شرپ ءِ ھاترا لکھاں مردم شہید بوتگ ات،مئے ھاترا وتی ملک ءِ شرپ ءَ چہ برز ہچ نیست ات،دمگ ءِ کروڑاں مردم غربت ءِ لکیر ءَ چہ چیر ءَ انت،نوں مارءَ چارگی انت کہ جنگ کنگی انت یا ایشانی باندات گہتر کنگی انت،ڈپٹی کمشنرز ءِ براہ راست نمدی نبشتہ کنگ غلط اتنت،آہاں ءَ را وتی افسراں را سرپد کنگ لوٹگ ات ،بیورو کریسی ءَ را گچین نماھندگانی کانودی کار کنگ ات ءُُ ایشی ءَ را سیاسی دست مانجنی گوشگ راست نیست ات،اے ھیالانی درشان آہاں جمعہ ءَ یک جندی ٹی وی چینل ءَ را گلگدار دیان ءَ گوشتگ ات۔بنجاہی وزیر ھالرسانی ءُُ شنگکاری ءَ گوشت کہ بھارت ءَ را اے گلگ انت کہ پاکستانی اُردو ءُُ سول حکومت ءِ پالیسی جتا انت بلے مئے حکومت ءُُ فوج ءِ یک سوچ انت۔مہ امن ءِ گپ جنگ اوں اے ھاترا وتی دست دیما کتگ بلے بھارت ءَ وتی دست پدا کتگ،مزن وزیر ءَ سوگندچست کنگ چہ پیسر ءَ وتی گوشتانک ءَ گوشت کہ یک گام ءِ چست کنیں ۔
