دری کارانی وزیر شاہ محمود قریشی پہ اقوام متحدہ ءِ جنرل اسمبلی ءِ دیوانءَ ھوار بوھگءَ رہادگ، دیوانءَ کشمیرءِ جیڑھ ءَ ھوار دگہ بازیں جیڑھ آں پاکستانءِ لیکہ ءَ پیش کنگ

اسلام آباد۔22ستمبر(اے پی پی) دری کارانی وزیر شاہ محمود قریشی اقوام متحدہ ءِ جنرل اسمبلی ءِ دیوانءَ ھوار بوھگءَ امریکہ ءَ رہادگ بوتگ۔ یک ہفتگے ءِ ترءُ تابءِ تہا دری کارانی سیکرٹری تہمینہ جنجوعہ ھم آئی ءِ ھمراہ اِنت۔ شاہ محمود قریشی اقوام متحدہ ءِ جنرل اسمبلی ءِ دیوان ءَ کشمیرءِ جیڑھ ءَ ھوار دگہ بازیں جیڑھ آنی سرءَ پاکستانءِ لیکہ ءَ پیش کنت۔ دری کارانی وزیر بازیں ملک آنی دری کارانی وزیرآں گوں گندءُ نندھم کنت۔ آ امریکی انتظامیہ ءَ گوں گپءُ تران ءُ واشنگٹن ءَ نندوکیں پاکستان ءِ مردماں گوں گپءُ تران ھم کنت۔