اسلام آباد ۔ 20ستمبر (اے پی پی)بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ شہداء کربلاءَ زلم ءُُ زوراکی ءِ مقابلہ ءَ مار ءَ حق ءُُ راھبند ءِ برزی ءِ مستریں سبق داتگ۔کربلا ءِ سبق ایش انت کہ دژمن ءِ تاگت ءُُ کچ مئے جزم ءَ نزور نہ کت کن ایت۔مارءَ لوٹ ایت کہ اسلامی تعلیمات ،اسوہ حسینی ءُُ اہل بیت ءِ پدگرانی رندءَ اسلامی راھبندانی برزی ءِ ھاترا وتی جدوجہد برجاہ دارانت۔اے ھیالانی درشان آہاں یوم عاشورہ ءِ درگت ءَ وتی کلوھ ءَ کتگ ات ۔ھالرسانی ءِ وزیر چوہدری فواد حسینءَ وتی کلوھ ءَ گوشت کہ حضرت امام حسینؓ ءُُ آہانی سنگتانی شہادت ءَ اسلام ءُُ ایمان ءَ را نوکیں زند عطا کتگ۔امام عالی مقام ءَ زھگانی قربانی دات پدر کتگ کہ ھداوند کریم ءِ دین ءِ شرپ کلاں چہ برز انت۔کربلا ءِ شہیداں زلم ءُُ زوراکی ءِ مقابلہ ءَ حق ءُُ اصول ءِ برزی ءِ سبق داتگ۔
