اسلام آباد۔ 21ستمبر (اے پی پی) مزن وزیر عمران خان ءِ سعودی عرب ءُُ ابوظہبی ءِ تروتاب ءِ باروا خلیج ٹائمز ءَ وتی رپورٹ ءَ گوشت کہ مزن وزیر عمران خان ءِ سعودی عرب ءُُ ابو ظہبی ءِ اولی درملکی تروتاب ءَ درملکاں نشتگیں پاکستانی آنی ھاترا باز وشیں روچ ات ءُُ در ملک ءَ نشتگیں پاکستانی وتی نوکیں مزن وزیر ءَ را چارگ ءِ ھاترا بے تاب اتنت۔ متحدہ عرب امارات ءِ تہ یک ٹیلی کام کمپنی ءَ گوں ہمگرنچ سینئر مینیجر اطہر فاروقءِ گوشگ ات کہ مزن وزیر عمران خان ءِ نیمگا چہ ذمہ واری سمبھالگ ءِ پدا وتی اولی درملکی تروتاب ءِ ھاترا سعودی عرب ءُُ پدا ابوظہبی ءِ گچینی اُودی نشتگیں پاکستانی براھندگی ءِ ھاترا باز وشی ءِ سبب بوتگ۔اے تروتاب دوئیں ملکانی نزیکیں سیادی درشان انت۔ خلیج ٹائمز ءِ رپورٹءِ ردا عمران خان دلیریں پیسلہ کنوکیں راھشون انت ءُُ پاکستانءِ راج ءَ را وتی راھشون ءَ چہ باز امیت بندوک انت۔

متعلقہ مضامینمصنف کی طرف سے مزید