اسلام آباد۔ 20ستمبر (اے پی پی) مزن وزیر عمران خان ءَ وتی بھارتی ہمکار نریندر مودی ءِ نام ءَ نمدی نبشتہ کتگ۔سرجمیں حالانی رداچاگردی رسانکدر ویب سائٹ ٹوئٹر ءَ شنگ کتگیں بیانءَ دری کارانی کارگس ءِ ربالکار ءَ گشتگ کہ مزن وزیر عمران خانءَ بھارتی مزن وزیر نریندر مودیءَ نمدیءِ پسو داتگ۔دری کارانی کارگس ءِ ربالکار ڈاکٹر فیصل ءِ گشگ انت کہ مزن وزیرعمران خان ءِ نیمگا بھارتی ہم منصبءَ نبشتگیں نمدیءَ بھارتءِ نیمگا چہ جوانیں پسو ءِ وداریگ انت۔زانگ بہ بیت انت کہ نمدیءَ گشگ بوتگ کہ دوئیں ملکانی نیامءَ سیادیانی بلاشبہ ناقابل تردید چینجلزءِ آماچ انت البت پاکستان ناشرکاریءِ جیڑہءِ سرا ھم سدکیءَ گوں گپءُ تران ءَ تیار انت۔عمران خان ءَ نمدیءَ گشتگ کہ کشمیرءِ جیڑہ ءَ ھوار سرکریک ءُْ سیاچن ءِ اڑاندانی گیشینگ لوٹیت،پاکستان ءُْ بھارت ءَ وتی مہلوک ءُْ آؤکیں پدریچانی گہتری ءُْ ایمنیءِ ھاترا گامگیج چست کنگی انت۔
