تین پہ تینی است خواہی نا معاملہ، ہڑتوم آ کنڈآتا تعلقداری، واپار، زرکاری و اقتصادی معاملہ غاتیا ہیت وگپ مس
جدہ۔ 19 ستمبر (اے پی پی) وزیراعظم عمران خان تون سعودی وزیر توانائی خالد الفالح، صدر سعودی انویسٹمنٹ فنڈیاسر رومیان، ایڈوائزر جنرل سیکرٹریٹ سعودی کابینہ احمد الخطیب چارشنبے نادے داڑے اوڑدہی کریر۔ وزیراعظم اوڑدہی ٹی تین پہ تینی است خواہی نا معاملہ ، ہڑتوم آ کنڈآتا تعلقداری، واپار،زرکاری و اقتصادی تعلقداری نا معاملہ غاتیا ہیت وگپ مس۔ وزیر خزانہ اسد عمر، سلاہکار واپار عبدالرزاق داؤد ، سیکرٹری خارجہ و سعودی عرب اٹی پاکستان نا سفیر خان ہشام بن صدیق ئسک ہم اوڑدہی ٹی ساڑی ئسر۔ اوڑدہی ٹی ہڑتوم آ ملک آتا نیام اٹ واپاری رابطہ غاتے پین گچین جوڑ کننگ آ غور مس وخت اس کہ ہڑتوم آ کنڈآتا تعلقداری و معاشی معاملہ غاتیا ہیت وگپ مس۔
