مکتہ المکرمہ۔ 19 ستمبر (اے پی پی) وزیراعظم عمران خان چارشنبے نا سہب اتون وختی تینا ڈل انا باسک آتون اوار عمرہ کرے، روضہ رسول ﷺ آ حاضری تس و پاکستان اٹی امن، شونداری و شونہالی کن دعا کرے۔ وزیراعظم ہر اسعودی عرب و متحدہ عرب امارات نا اِرادے ئی دورہ غاٹی ءِ داکان مست تدوک آدے روضہ رسول ﷺ آ حاضری تس۔ وزیراعظم عمرہ نا اداکننگ کن بیت اللہ شریف آ سرمس تو بیت اللہ نا درگہ ءِ خصوصی وڑاٹ وزیراعظم و اونا ڈل اکن ملفنگا۔ وزیراعظم نا ڈل اٹی وزیر خارجہ شاہ محمود قریشی ، وزیر خزانہ اسد عمر، وزیر اطلاعات و نشریات چوہدری فواد حسین و سلاہکار واپار عبدالرزاق داؤد اوار ءُ۔ وزیراعظم عمران خان ڈل اتون اوار بیت اللہ اٹی پترینگا۔ او نفل خوانار و پاکستان و عالم اسلام نا سلامتی و شونہالی کن دعا خوائسر۔
