اسلام آباد۔ 18 ستمبر (اے پی پی) وزیراعظم عمران خان سے شنبے نادے سعودی عرب و یواے ای نا اِرادے ئی دورہ غا رادہ مس۔ وزیراعظم سعودی فرمانرواشاہ سلمان بن عبدالعزیز و ولی عہد محمد بن سلمان نا سلہ غا سعودی عرب وخت اس کہ متحدہ عرب امارات نا ولی عہد نا سلہ غا یو اے ای نا دورہ ءِ کننگ ءِ۔ وزیر خارجہ شاہ محمود قریشی، وزیر خزانہ اسد عمر، وزیر اطلاعات و نشریات چوہدری فواد حسین و وزیراعظم نا سلاہکار واپار عبدالرزاق داؤ ئسک ہم اوڑتون اوار ءُ۔ وزارت خارجہ نا کنڈآن جاری بیان نا رداٹ تینا سعودی عرب نا دورہ ٹی وزیراعظم سعودی شاہ سلمان بن عبدالعزیز و ولی عہد محمدبن سلمان تون ہڑتوم آ کنڈآتیا اوڑدہی کیک۔ سعودی شاہ نا کنڈآن وزیراعظم عمران خان نا شرف اٹی ضیافت نا بست و بند ءِ کننگک۔ وزیراعظم تون اوار وزیر آک تینا تینا ہم منصب آتون ہم اوڑدہی کیرہ و تین پہ تینی است خواہی نا معاملہ غاتیا خیال آتا درشانی ءِ کیرہ۔ دورہ ٹی وزیراعظم عمران خان وزیر خارجہ تون اوار اسلامی کمکار تنظیم (او آئی سی) نا سیکرٹری جنرل ڈاکٹر یوسف بن احمد العثمین تون ہم اوڑدہی کیک۔ وزیراعظم روضہ رسول ﷺ آ حاضری ایتک و عمرہ ءِ ادا کیک۔ وزیراعظم تینا ڈل اتون اوار 19 ستمبر آ شام ابوظہبی آ سرمریک ہراڑے متحدہ عرب امارات نا ولی عہد محمد بن زید النہیان اوفتے بخیر کیک۔ وزیراعظم متحدہ عرب امارات نا ولی عہد نا سلہ غا دادورہ ءِ کننگ ءِ۔ ہڑتوم آ راہشونک تین پہ تینی است خواہی نا معاملہ غاتیا خیال آتا درشانی ءِ ہم کیرہ۔

متعلقہ مضامینمصنف کی طرف سے مزید