اسلام آباد۔ 18 ستمبر (اے پی پی) وزیراعظم عمران خان دیامر بھاشا ڈیم فنڈ اٹی است انا ھب اٹ عطیہ تننگ آ کراچی والا تا منت واری ءِ ہرفینے۔ سے شنبے نادے سوشل میڈیا گا جاری تینا اسہ ٹویٹ اسے ٹی وزیراعظم پارے کہ ای ڈیم فنڈ اٹی است انا ھب اٹ عطیہ تننگ آ کراچی والا تا منت واراُٹ۔ اوپارے کہ کراچی ٹی ڈیم اکن فنڈ جمع کننگ نا دود اٹی 76 کروڑ روپئی نا عطیہ جمع مس۔ یات سلے کہ وزیراعظم عمران خان تدوک آ یک شنبے آ کراچی نا اسہ دے ئی دورہ ٹی ڈیم آتے کن فنڈ ریزنگ نا دود اٹی شرکت کرے ہراٹی صدر مملکت ڈاکٹر عارف علوی ، گورنر سندھ عمران اسماعیل ، بنجائی وزیر آک و بھلو کچ اسے ٹی مخیر خواجہ غاک ہم ساڑی ئسر۔ داوخت آ ساڑی مروک آک ڈیم فنڈ اکن بھلو پیسہ اس عطیہ کریسر۔
