الس ءِ ریلیف تروئی ءِ، وزیراعظم ہاؤس اٹی داوخت اسکان 70 گاڈی تا مارکیٹ نہاد آن زیات آ نیلامی مسنے، پیسہ غاتے قومی خزانہ ٹی جمع کرفنگک، بنجائی وزیر اطلاعات و نشریات چوہدری فواد حسین نا پریس کانفرنس اٹی خیال آتا درشان
اسلام آباد۔ 17 ستمبر (اے پی پی) بنجائی وزیر اطلاعات و نشریات چوہدری فواد حسین پارینے کہ وزیراعظم ہاؤس اٹی داوخت اسکان 70 گاڈی تا نیلامی مسنے، داگاڈیک مارکیٹ نہاد آن زیات آ بہامسنو، وزیراعظم عمران خان نا وژن نا رداٹ نن کاریم نا بناءِ کرینن، گورنر ہاؤس آتے ہم لس الس ءِ ملنگ انگانے، اولیکو وار لس خلقت گورنر ہاؤس آتے خننگ ءُ۔ اودوشنبے نادے پارلیمنٹ ہاؤس نا پیشن بنجائی وزیر پٹرولیم و قدرتی وسیلہ غلام سرور خان تون اوار پریس کانفرنس آن تران کریکہ۔ بنجائی وزیر اطلاعات و نشریات چوہدری فواد حسین پارے کہ ننے الس ءِ ریلیف تروئی ءِ و الس نا گچینی کن کاریم کننگ اُن۔ اوپارے کہ وزیراعظم ہاؤس اٹی داوخت اسکان 70 گاڈی تا نیلامی مسنے۔ داگاڈی تا نیلامی آن دوئی مروک آ پیسہ غاتے قومی خزانہ ٹی جمع کرفنگک۔
