راولپنڈی ۔ 12 اگست (اے پی پی) ادارکی سر وزیر پنجاب ڈاکٹر حسن عسکری ءَ گوشت کہ پنجاب ءِ تہ لائیو سٹاک سیکٹر ءَ بازُ وٹینشل ساڑی انت ءُُ لائیوسٹاک سیکٹر ءِ مھکم ءِ بنیات آنی سرا پراھی ءَ چہ صوبگ ءِ معیشت ءَ باز نپ ءُُ پائدگ سر کنگ بوت۔ اے پی پی ءِ معلومداری ءِ ردا ادارکی سر وزیر پنجاب ءَ یک مزن تکے دیوان ءِ گوما تران کنان ءَ گوشت کہ پنجاب ءِ لائیو سٹا ک ءِ تک ءَ را نوکتریں ٹیکنالوجی ءِ وسیلگ ءَ دیمروئی کتگیں ملکانی دیما آرگ بہ بیت ءُُ لائیوسٹاک ءَ را پراھی دیان ءَ شِیر ءُُ گوھد ءِ پیداوار ءَ را گیش کنگ ءِ ھاترا گامگیج زچست کنگ ءِ ضلورت ات۔آہاں گوشت کہ کشت ءُُ کشاری ءُُ لائیو سٹاک ءُُ دگہ شوبگ ءَ موہ ساڑی انت اے موہ ءَ چہ پائدگ چست کنگ وھد ءِ تقاضا انت ءُُ پیداواری صلاحیت گیش کنگ ءِ ھاترا ھیلکاری ءِ معیار گہتر جوڈ کنگ بیت۔
