اسلام آباد ۔ 31جولائی (اے پی پی) نگران بنجائی وزیر موسمیاتی بدلی محمد یوسف شیخ تیناپی ایس شاہد محمود نا کزیت آ ڈکھ و است ہسونی نا درشانی ءِ کرے ۔ سے شنبے نادے وزارت موسمیاتی بدلی ٹی اڈ ہلوک آ تعزیتی ریفرنس آن تران کرسا اوایماندار ءِ خراج عقیدت پیش کرے و پارے کہ او اسہ خواری کش و پرخلوص ءُ بندغ اس ئس ہراوزارت اٹی 38 سال آن زیات وخت خذمت سرانجام تس ۔ اونا کزیت وزارت کن بھلو نسخان اسے ۔ اووزارت ءِ ایماندار نا خاہوت نا ہروڑکمک نا پارت کرے ۔ داوخت آانسپکٹر جنرل جنگلات سید محمود ناصر ہم تران کرے ۔ تعزیتی ریفرنس اٹی سیکرٹری وزارت موسمیاتی بدلی خضر حیات، ایڈیشنل سیکرٹری، ڈائریکٹر جنرل ماحولیات و ایلو کمامدارآک ہم ساڑی ئسر۔ داوخت آ ایماندار نا روح انا ثواب کن فاتحہ خوانی ہم کننگا ۔ شاہد محمود 27 جولائی آ است انا دورہ ناسوب کزیت کریسس۔
