اسلام آباد۔ 03جنوری (اے پی پی) صدر مملکت ممنون حسین چینی ہم منصب نا کنڈآن سال دے نا وخت آ نیک است خواہی تا کلہو نا منت واری ئِ اداکرسا پارے کہ او پاک چین تعلقداری تے سوگو جوڑ کننگ اٹی اونا جندی است خواہی ئِ قدر انا نظر اٹ ہرک۔ اوپارے کہ پاکستان چین تون تینا سنگتی ئِ بھاز اہمیت ایتک و ہڑتوم آ ملک آتا سنگتی سوگو بنداوتیا استوار ئِ و ہڑتوم آ ملک آک نئے بیرہ باپت سنگت بلکن سٹریٹجک پارٹنر ہم اریر۔ چینی صدر تینا کلہو اٹی صدر ممنون حسین کن نیک است خواہی تا درشانی ئِ کرے و اوڑتون جون انا تواٹی شنگھائی کمکار تنظیم کانفرنس اڈ ہلوک آ تاشقند اٹی تینا اوڑدہی و مفید ہیت وگپ نا حوالہ ئِ ترسا پارے کہ او پاک چین سنگتی ئِ تعلقداری نا پوسکن آ بڑزی تسکان دننگ کن اوڑتون اواری اٹ کاریم کننگ نا متمنی ئِ۔ صدر ممنون حسین تینا ورندی ٹی چینی صدر و الس کن نیک است خواہی تا درشانی ئِ کرے ۔
