اسلام آباد ۔ 30جولائی (اے پی پی)مسکوہی وزیراعظم محمد نواز شریف نیب انا ایلو ریفرنس آتا سماعت ارٹ میکو جج ءِ منتقل کننگ نا کیس اٹی اسلام آباد ہائیکورٹ اٹی متفرق درخواست اس دائر کرینے ۔مسکوہی وزیر اعظم محمد نواز شریف دوشنبے نادے تینا وکیل سعد ہاشمی نا کمک اٹ درخواست دائر کرے ‘ متفرق درخواست 51 پنہ غاتیا تالان ءِ ہراٹی پین دستاویز جمع کرفنگانے ۔مسکوہی وزیر اعظم محمد نواز شریف نا رٹ پٹیشن نمبر 2275 نا کمک اٹ متفرق درخواست دائرکرینے ۔دائر درخواست اٹی موقف اختیار کننگانے کہ احتساب عدالت ناجج محمد بشیر کنا پین اِرا ریفرنس آتاسماعت ءِ کپئے ۔اسلام آباد ہائیکورٹ رٹ پٹیشن 31 جولائی آ سماعت کن مقرر کرینے ۔ متفرق درخواست اٹی موقف اخیتار کننگانے کہ ریفرنس آتا منتقلی کن درخواست جج محمد بشیر تون ساڑی ءِ ، انصاف نا گرج آتے پورو کننگ کن آئین غٹ اکن بریبر ءِ ،متفرق و ایلو درخواست آتا سماعت اینو(سے شنبے ) آ جسٹس عامر فاروق و جسٹس میاں گل حسن اورنگزیب کیرہ ۔

متعلقہ مضامینمصنف کی طرف سے مزید