سی پیک ءِ ردا گوادر شہر ءَ را جدید خطوط ءِ سر امان کنگ ءُُ ایشی ءَ را یک ورلڈ کلاس بندن ءِ شہر ءَ بدل کنگ ءِ کوشستاں دز گٹ انت، حسان داؤد بٹ

اسلام آباد ۔ 30جولائی (اے پی پی) چین پاکستان اقتصادی راہداری منصوبے (سی پیک) ءِ پراجیکٹ ڈائریکٹر حسان داؤد بٹءَ گوشت کہ سی پیک ءِ ردا گوادر سٹی ءَ را نوکیں خطوط ءَ مان کنگ ءُُ ایشی ءَ را یک ورلڈ کلاس پورٹ سٹی ءَ بدل کنگ ءِ ھاترا کوشستاں گٹ انت،ادا بناء کنائینتگ ایں میگا پراجیکٹس ءِ سرجمی ءُُ صنعتی زون ءِ جوڈ چہ ایوکا بلوچستان نہ بلکہ سرجمیں پاکستان ءَ معاشی آشوب کائیت۔اے ھیالانی درشان آہاں اے پی پی ءِ گوما گپ ءُُ تران کنان ءَ گوشت ات۔آہاں گوشت کہ گوادر شہر شنگاپور ءُُ ہانگ کانگ ءِ تبک ءِ ردا جوڈ کنگ بوھگ انت ادا پیسر ءَ چہ زرکارانی نیمگا چہ باز دلچسپی ءِ درشان کنگ بوتگءُُ گوادر فری زونءِ تہ آباتکاری ءِ رد برجاہ انت۔گوادر بندن ءِ بحالی ءِ پدا ادا چہ شپمنٹس ءِ بنداتی بوتگ۔اے گامگیجءِ آسر ءَ زوت اے شہر ءَ را میاں اوستمانی بندن ءِ بستار رسیت۔آہاں گوشت کہ گوادر ایسٹ بے ایکسپریس وے منصوبگ ءِ جوڈ جاڑی ءِ کار بناء بوتگ ایشی ءِ ردا 8.9کلومیٹر 4 لین شاہدگ ءِ جوڈ جاڑی انت۔اے شاھدگ گوادر بندن ءَ را مکران کوسٹل ہائی وے ،فری زون ءُُ باندات ءِ کنٹینرز ٹرمینل ءَ گوں ہمگرنچ کن ایت۔آہاں گوشت کہ پاکستان ءُُ چین یک دومیگ ءِ علم ءُُ زانت ءَ چہ پائدگ چست کنان ءَ سی پیک ءِ ردا جاڑی معاشی کمک ءَ را ودکی دنت۔ پاکستان ءِ وشھالی ءُُ دیمروئی ءِ ضامن بیت۔ سی پیک ءِ منصوبگ مئے ملک ءِ ھاترا معاشی آشوب کارایت۔آہاں گوشت کہ گوادر سمارٹ پورٹ سٹی ءِ ہڈ ءِ ھاترا ماسٹر پلان ءِ تیاری ءِ کار برجاہ انت۔منصوبگ ہمے سال ءَ سرجم بیت،گوادر ماسٹر پلان ءِ سبب ءَ اے شہر ءَ نوکتریں سمارٹ سٹی جوڈ کنگ ءَ کمک رسیت۔ وزارت منصوبہ بندیءِ وسیلگ ءِ ردا سی پیک ءِ ردا ملک ءِ تہ جاڑی چاگردی ءُُ انسانی دیمروئی ،ھاٹیگ ءُُ صنعتی تک ءَ جاڑی منصوبگ ءِ آسر ءَ ملک ءِ راستیں وڈ ءَ دیمروئی ممکن بیت ایشی ءَ چہ لس مھلوک پائدگ چست کت کنت۔