بھکر آن ثناء اللہ مستی خیل، سید اکبر نوانی و امیر محمد خان، بہاولنگر آن غفار وٹو وفدا وٹو ، مظفر گڑھ آن عبدالحئی دستی اوار
اسلام آباد ۔ 30جولائی (اے پی پی) پنجاب آن قومی و صوبائی اسمبلی نا پین 6 پوسکن گچین مروک آ باسک آک تحریک انصاف اٹی شمولیت نا پڑو ءِ کرینو ۔ بنجائی میڈیا ڈیپارٹمنٹ نا کنڈآن جاری بیان نارداٹ چیئرمین تحریک انصاف عمران خان تون اوڑدہی بھکر آن پوسکن گچین مروک آ قومی اسمبلی نا باسک ثناء اللہ مستی خیل تحریک انصاف اٹی اوار مس وخت اس کہ بھکر آن پنجاپ اسمبلی نا باسک سید اکبر نوانی و امیر محمد خان کیپٹن نا قافلہ ٹی اوار مننگ نا پڑو ءِ کرینو ۔ بہاولنگر آن قومی اسمبلی نا باسک غفار وٹو و صوبائی اسمبلی نا باسک فدا وٹو ئسک ہم تحریک انصاف اٹی اوار مننگ نا پڑو ءِ کرینو وخت اس کہ مظفر گڑھ آن باسک صوبائی اسمبلی عبدالحئی دستی ہم تحریک انصاف اٹی اوار مس ۔ او فک تحریک انصاف نا سرکڑدہ ہی و منشور آ پورو پت انا درشانی ءِ کریر ۔ چیئرمین تحریک انصاف عمران خان شمولیت اختیار کروک آ قومی اسمبلی نا باسک و صوبائی اسمبلی نا باسک آتے بخیر اٹ پارینے ۔
