اسلام آباد ۔ 29جولائی (اے پی پی) ادارکی ھزانگ وزیر ڈاکٹر شمشاد اخترءَ گوشت کہ ملک ءِ گیش بوتگیں مالیاتی ضلورت ءَ را سہارا دیوکیں ھندی وسیلگ ءَ را متحرک کنگ ءِ ھاترا مھکمیں کیپٹل مارکیٹ الم انت۔ کیپٹل مارکیٹ درملکی زرکاری آرگ ءِ ھاترا ھاسیں وسیلگ ات۔اے ھیالانی درشان آہاں پیسریگیں روچ ءَ ادا کیپٹل مارکیٹ ءِ دیمروئی ءِ ھاترا شؤر ءُُ سلہ ءِ جائزگ دیوان ءِ سروکی کنان ءَ کتگ ات۔دیوان ءِ تہ سیکرٹری ھزانگ ، چیئرمین پی ایس ایکس،ایشی ءِ ٹیمب ءُُ چیئرمین ایس ای سی پی ءُُ دگہ افسراں شریداری کتگ۔ھزانگ وزیر ءَ کیپٹل مارکیٹ ءِ باندات ءِ دیمروئی ءِ ھاترا سٹاک مارکیٹ ءِ ھاسیں باسکانی کمیٹی ہڈ داتگ ات۔ایس ای سی پیءَ را کڈنی دات ات کہ آوکیں پنچ سال ءِ ھاترا نوکیں سٹریٹجک پلان پیش کن انت۔ چیئرمین پی ایس ایکس رچرڈ مورین ءَ سٹاک مارکیٹءِ دگہ باسکانی ہمبراہ ھزانگ وزیر ءَ را ’’پاکستان کیپٹل مارکیٹءِ دیمروئی ءِ ھاترا روڈ میپ‘‘ءِ بارواسرپدی داتگ۔آہاں کیپٹل مارکیٹ ءِ دیمروئی ءِ ھاترا پاکستان سٹاک ایکسچینج پی ایس ایکس ءِ گامگیجانی باروا سرپد کتگ،آہاں ٹیکس ماحول ءِ گہتری ءُُ ڈیبٹ کیپٹل مارکیٹ ءِ بند ءُُ بست ءِ سرا زورمان کتگ۔ ایس ایم ای ءِ کیپٹل مارکیٹسءِ تاں رسائی ءِ تاں چونءَ گہتری آرگ بہ بیت۔ مارکیٹءِ دراھیں فریقانی گہترکاری ء ھوار وت مہ وتی فنڈ انڈسٹری ءِ ہڈ ءِ سرا ھیال ریچی کنگ بوتگ۔ سرکاری پنشن فنڈءِ نظام ءِ مالی مھکمی ءِ ہمگرنچ تکانسری ءِ درشان کتگ۔ رچرڈ مورینءَ گوشت کہ پاکستان سٹاک ایکسچینج ءَ سئے سالہ سٹریٹجک پلان تیارکتگ ات ہمہ کہ پاکستان سٹاک ایکسچینج ءِ بورڈ آف ڈائریکٹرز ءِ منظوری ءِ پدا وزارت ھزانگ ءُُ ایس ای سی پی ءَ را پیش کنگ بیت۔میاں اوستمانی بین مالیاتی زانتکارسلہکار ہارون شریف ءَ کیپٹل مارکیٹگہترکاریءِ سرا وتی نقطہ نظر پیش کتگ۔ادارکی ھزانگ وزیر ڈاکٹر شمشاد اختر ءَ گڈی گپ ءِ تہ گوشت کہ شریں ءُُ سوگو مقامی کیپٹل مارکیٹ ءِ بید سوگو ءِ دیمروئی ممکن نیست ات۔آہاں گوشت کہ سرکاری ءُُ جندی تک ءِ اے مکسد ءِ ھاترا ھواری ءَ کار کنگ ءِ ضلورت ات۔آہاں شریدارانی نیمگا چہ پیش کتگیں صلاح ءِ وش اتک کتگ ءُُ ایشاں را نوکیں حکومت ءِ ھاترا چار ءُُ ٹپاس ءِ ھاترا کاگدی دروشم دیئگ ءِ سرا زور داتگ۔آہاں پنت ءُُ شون کت کہ وھدیکہباقاعدہ طریقہ کار پدر نہ بوت ہما وھد ءَ تاں فنانس ڈویژن ءِ تہ یک فوکل پرسن بوھگ لوٹ ایت ءُُ ایڈیشنل فنانس سیکرٹری (انٹرنل فنانس) ءَ را کیپٹل مارکیٹ ءِ ہمگرنچ امور ءِ سرا لہتیں فریقاں گوں رھوت ءِ ھاترا فوکل پرسن نامینگ بوتگ۔آہاں کیپٹل مارکیٹ ءِ دیمروئی ءِ ایجنڈہ ءِ سرا ھپتگ ءَ گیش ھیال ریچی ءِ سرا زور مان کتگ۔
