اسلام آباد ۔ 28جولائی (اے پی پی) ادارکی بنجاہی وزیر ھالرسانکی ءُُ شنگکاری بیرسٹر سید علی ظفر ءَ سرجمیں ملک ءِ تہ وھد ءَ پُر امنیں ءُُ سوبمندءِ گچیکاریءِ برجمداری ءِ سرا دراھیں راج ءَ را مراد باتی پیش کنان ءَ گوشت کہ حتمی وڈ ءَ الیکشن 2018ءِ تہ باج پاکستان راج ءِ بوتگ‘الیکشن کمیشنءِ نیمگا چہ سوبمند امیتوار انی نوٹیفکیشن ءِ برجاہی ءِ زوت رندا راجی ءُُ صوبائی اسمبلیانی دیوان لوٹارینگ بنت۔مزن وزیر ءُُ سر وزیرانی گچینکاری ءِ پدا ادارکی حکومت ھلاس بنت،ہمہ مردم کہ الیکشن ءَ چہ پیسر ءَ گوچلی ءِ گپ جنئگ ات آہاں را پاکستان ءِ راج ءَ وتی ووٹ ءَ گوں پسو داتگ،انوں راج ءِ اے پیسلہ ءِ ردا بنجاہ ءُُ چاریں صوبہ ءَ حکومت جوڈ کنگ ءِ کار بناء بیت،اے حکومت پاکستان ءِ ہر شہری ءِ جہگیری کن انت چیاکہ الیکشن ءِ پدا حکومت کُلانی انت‘زالبول ءِ کمیں شریداری ءِ سبب ءَ ضلع دیر ءَ یک حلقہ ءِ تہ دوبر گچینی بیت زالبولانی گچینکاری ءِ تہ شریداری ءَ سدکی جوڈ کنگی انت۔ھپتگ ءَ وتی بیان ءَ بنجاہی وزیر ءََ گوشت کہ پاکستانی راج ءَ را ادارکی مزن وزیر ءُُ ایشی ءِ کابینہ ءِ نیمگا چہ سرجمیں ملک ءَ ساپ ءُُ پلگاریں ءُُ وھد ءِ سرا گچینکاری ءِ برجمی ءَ مرادباتی داتگ۔
