اسلام آباد ۔ 28 جولائی (اے پی پی) ایشیاء ءِ خطہ ءِ تہ اسلامک بینکنگ اینڈ فنانس ءِ باندات باز روژن ات،دگنیا ءِ 60درسد مسلمان آباتی ایشیاء ءِ تہ نندوک انت،وھدیکہ خطہ ءِ تہ متوسط تبکءِ کساس ءُُ معاشی ءُُ اقتصادی دیمروئی ءِ تہ یک شلہ ودکی ھم اسلامی بینکاری ءِ شوبگ ءِ دیمروئی ءِ تہ کمکار پدر بیت۔ ایشیائی ترقیاتی بینک( اے ڈی بی) ءِ ’’اسلامک بینکنگ اینڈ فنانس ان ایشیا رپورٹ‘‘ءِ ردا خطہ ءَ شوبگ ءِ دیمروئی ءِ تہ سیاسی کمک،زرکاری ءِ گیش بوتگیں موہ ءُُ ٹیکس مراعات ھم کمکار پدر بنت۔ رپورٹ ءِ ردا براعظم ءِ تہ نندوکیں مسلمان آباتی ءِ زند ءِ معیار ءِ تہ ترندی ءَ گوں ودکی بوھگ انت۔ایشی ءَ چہ سیونگ ءِ رجحان ءِ تہ ھم ودکی آھگ ات ءُُ اسلامی بینکاری ءِ تک ءِ دیمروئی ءِ ھاترا گہتر ءِ وڈ ءَ کمکار پدر بہ بیت۔
