اسلام آباد ۔28 جولائی(اے پی پی)نامداریں امریکی روتاک ’’ نیو یارک ٹائمز‘‘ءَ پاکستان تحریک انصافءِ راھشون عمران خان ءِ گچینکاری ءِ تہ مستریں سوبمندی ءَ را ساڑاتگ ءُُ گوشتگ کہ امریکا ، چین ءُُ بھارتءِ سرا زور داتگ کہ پاکستان ءِ تہ گہترکاری ءِ ھاترا آسانی ءَ پیدا کن انت۔وتی اداریے ءِ تہ نیو یارک ٹائمز ءَ نبشہ کتگ کہ عمران خان ءِ بنیاتی ایجنڈہ پاکستان ءِ گہتکاری ءُُ گورننس ءِ گہتری انت تنکہ ملک ءِ تہ کارکنوکیں لہتیں گروپ ءَ را اسراتی پھجاروکیں نیٹ ورکس ءِ سرپرستانی ھلاسی کنگ بیت۔روتاک ءِ ردا پاکستان وڈیں جیڈھ ءَ چہ پُر ءُُ کرپشن زدہ ملک ءِ تہ یک کرشماتی راھشون ھم راج ءِ واھشتانی سرا پیلو بوت کنت ءُُ عمران خانءَ را اے ھوالہ چہ لہتیں کنڈ ءَ چہ کار کنگی ات۔ امریکی اخبارءَ گیش گوشت کہ یک پیسریگیں کرکٹر عمران خان ءَ 25سال پیسر ءَ پاکستان ءِ ٹیمب ءَ را ورلڈ کپ کٹنگ ءِ ھاترا برصغیر ءِ سرا حکومت کنوکیں برطانیہ وڈیں حاکمیں ملک ءَ را پروشت داتگءُُ امبر ءَ عمران خان ءِ راھشونی ءَ ایشی ءِ سیاسی گل ءَ پاکستان ءِ لس گچینکاری ءِ تہ مستریں سوبمندی گپتگ۔روتاک ءَ گیش گوشت کہ پاکستان ءَ را لہتیں جیڈھ دیما انتءُُ ملک ءِ یک پیسریگیں مزن وزیر نواز شریف دو ھپتگ پیسر ءَ کرپشن ءِ جرم ءَ بندی جاء شتگ ات چیاکہ پاکستان ءَ کرپشن ءِ بُن باز مھکم بوتگ ات۔ملک ءِ قرضہ یکشلہ گیش بوھگ ات، توان ءِ پھجارگ ءِ تہ جیڈھ انت ءُُ روزگار ءِ حصول ءِ تہ باز جیڈھ درپیش انت۔ پاکستانءِ شہری ڈن ءَ روزگار ءِ ھاترا سفر کنگ ءَ ڈالچار انت۔ مضمون ءِ ردا ناشرکارانی اُرش ءُُ امریکا ءِ گوما پاکستان ءِ سیادی ھم باز شر نیست ات ءُُ ملک ءِ تہ سیاست درمھکم انت بلے عمران خان ءِ سیاسی گل پاکستان تحریک انصاف پارلیمان ءِ تہ ہمکتر سیٹ نہ کٹ اتگ ات کہ آں ایوکا حکومت ءَ جوڈ کت کنت۔ امریکی روتاک ءَ وتی مضمون ءَ عمران خان ءَ را یک کرشماتی مردمے گوشت ءُُ عمران خان ءَ را تبدیلی ءِ موہ رساتگ ایشی ءِ ملک ءَ را باز ضلورت ات۔آسرکاری ءِ ھلاپ پاکستان ءِ جہد ءَ سوبمندی چہ ایوکاپاکستان ءَ را پائدگ رسیت بلکہ ایشی ءَ چہ امریکا ءِ ھوار دگر ھمساھگ ملکانی سرا شریں اثر کپیت ۔نیو یارک ٹائمزءَ گیش گوشت کہ ٹرمپ انتظامیہ ،بھارت ءُُ چین ءِ ھاترا مناسب بیت کہ آں عمران ءِ ھاترا آسانی ءَ پیدا کن انت۔تنکہ خطے ءِ تہ امن ،مھکمی ءُُ دیمروئی ءُُ وشھالی ءِ راھ ہموار بوت۔
