پی ٹی اے ٹی ڈائریکٹر جنرل انفورسمنٹ یاور یٰسین ءِ باسک ٹیکنیکل و ڈائریکٹر جنرل لاء چوہدری علی اصغر ءِ مسہ تُو اکن باسک کمپلائنس اینڈ انفورسمنٹ نا وڑاٹ ودکی چارج تننگ نا منظوری
اسلام آباد ۔27 جولائی (اے پی پی)نگران وزیراعظم جسٹس (ر) ناصر الملک انا کماشی ٹی جمعہ نادے بنجائی کابینہ نا دیوان وزیراعظم آفس اٹی مس ۔ وزیراعظم آفس آن جاری بیان نا رداٹ کابینہ پاکستان ٹیلی کمیونیکیشن اتھارٹی (پی ٹی اے) ٹی ڈائریکٹر جنرل انفورسمنٹ یاور یٰسین ءِ باسک ٹیکنیکل وڈائریکٹر جنرل لاء چوہدری علی اصغر ءِ مسہ تُو اکن باسک کمپلائنس اینڈ انفورسمنٹ نا وڑاٹ ودکی چارج تننگ نا منظوری ءِ تس ۔ کابینہ ڈسٹرکٹ اینڈ سیشن جج محمد ظریف بلوچ نا بطور جج خصوصی کورٹ (کورٹ آف نارکوٹک سبسٹانسز کوئٹہ) نا وڑاٹ تقرری نا ہم منظوری ءِ تس ۔ کابینہ چیئرمین 8می ویج بورڈ انا تقرری نا قواعد و ضوابط نا ہم منظوری ءِ تس۔ کابینہ دیوان اٹی کیس نمبر 05/2017 FOA SBC/Karachi نا ٹرائل نا اینٹی ٹیررازم کورٹ کراچی II آن اینٹی ٹیررازم کورٹ اسلام آباد گدریفنگ نا منظوری ءِ ہم تس ۔ دیوان اٹی فنانس ڈویژن ءِ کے ٹو، کے تھری ڈٹ آتے کن ہندی وام اکن لیٹر آف گارنٹی نا جاری کننگ نا اختیار ہم تننگا۔ کابینہ چارٹرڈ اکاؤنٹس بائی لاز 1983ء نابائی لاز 106 و124 اٹی ترمیم نا ہم منظوری ءِ تس ۔
