قومی اسمبلی نا پوسکن گچین مروک آ باسک آتے بیابخیر ، سوغندی و بروک آحکومت ءِ انتقال اقتدار نا مرحلہ غاتا پوروی کن پارلیمنٹ ہاؤس اٹی تیاری تا بناء

اسلام آباد ۔ 27جولائی (اے پی پی) 15می پوسکن گچین مروک آ قومی اسمبلی نا باسک آتے بیابخیر، سوغندی برداری و بروک آ حکومت ءِ انتقال اقتدار نا مرحلہ غاتا پوروی کن پارلیمنٹ ہاؤس اٹی تیاری تا بناءِ کننگانے ۔ قومی اسمبلی سیکرٹریٹ ذرائع نارداٹ لس گچین کاری تیان پد جوڑ مروک آ 15ویں قومی اسمبلی نا باسک آتا سوغندبرداری اسپیکر و ڈپٹی سپکر کے گچین کاری تون اوار ایلو بست و بند آتے گڈیکو دروشم اس تننگ کن سیکرٹری قومی اسمبلی نا سرکڑدہ ہی ٹی تیاری تا بناء مسنے ۔ داوخت آ سکیورٹی بست و بند آتون اوار ایلو معاملہ غاتے گڈیکو دروشم تننگ کن لائحہ عمل اس جوڑ کننگ انگ ءِ ۔ ذرائع نا پانننگ ءِ کہ کہ قومی اسمبلی سیکرٹریٹ اٹی پوسکن گچین مروک آ باسک آتے باسک قومی اسمبلی نا شناختی کارڈز نا جاری کننگ ،رول آف ممبر نارجسٹر اٹی باسک آتا حلقہ غاتا اعتباراٹ اندراج و ایلو بست و بند آتے گڈیکو دروشم تننگ انگ ءِ ۔