اسلام آباد ۔ 27جولائی (اے پی پی) لس گچین کاری تیٹی سرسہب مروک آ اومیت دار آتا کنڈآن گچین کاری خڑچ آتا سرجم آتے 10 دے اٹی جمع کرفنگ المی ءِ اوکان پد اوفتا سرسہبی نا نوٹیفکیشن ءِ جاری کننگک ۔ الیکشن کمیشن نا رداٹ ہرا اومیت دار آتا سرسہبی نا غیر حتمی غیر سرکاری نتیجہ جاری کننگانے اوفتے کن المی ءِ کہ او گچین کاری کانود نا رداٹ 10دے انا تہٹی تینا گچین کاری خڑچ آتا سرجم آتے جمع کرفرہ اوکان پد اوفتا سرسہبی نا نوٹیفکیشن ءِ جاری کننگک ۔ الیکشن کمیشن نا کنڈآن گچین کاری کانود 2017 نار داٹ اومیت دار آتے کن گچین کاری خڑچ آتے کن باقاعدہ جتا ءُ اکاؤنٹ اس جوڑ کننگ ناشرط تخنگاسس۔ داسہ سرسہب اومیت دارآتا کنڈآن دااکاؤنٹس و خڑچ آتا پک مروک سرجم آتا فراوانی ءِ کروئی ءِ ۔ قواعد نا رداٹ پولنگ آن پد 14دے انا تہٹی اومیت دار آتا سرسہبی نا نوٹیفکیشن ءِ جاری کننگ المی ءِ وخت اس کہ 21 دے انا تہٹی قومی اسمبلی نا اولیکو دیوان ءِ بٹنگ انگ کانودی شرط ءِ ۔
