اسلام آباد ۔ 27 جولائی (اے پی پی) الیکشن کمیشن قومی اسمبلی نا حلقہ این اے 269 ناغیر حتمی نتیجہ غاتے جاری کرے ہرانا رداٹ بلوچستان نیشنل پارٹی نا سروک اختر مینگل 52875 وونٹ ہلسا سرسہب گوندنگا۔ الیکشن کمیشن نا کنڈآن جاری کروک آ غیر سرکاری غیر حتمی نتیجہ نا رداٹ داحلقہ غان 13اومیت دار مون پہ مون ئسر ہرافتیان اختر مینگل سرسہب مس ۔ اونا خڑک انگا حریف بلوچستان عوامی پارٹی نا محمد خالد بزنجو ئس ہرا 19720 وونٹ ہلک وخت اس کہ آزاد اومیت دار میرشفیق الرحمن مینگل 14559 وونٹ ہلسا مسٹ میکو نمبر آ بس ۔ داحلقہ ٹی پولنگ نا کچ 54.32 درسد ئس۔
