اسلام آباد ۔ 27جولائی (اے پی پی) چونگ یانگ انسٹیٹیوٹ ناسینئرریسرچ فیلوچؤ رونگ پارینے کہ اسہ پٹی اسہ شاہراہ ڈٹ انا رداٹ چین پاکستان اقتصادی راہداری ترند رفتار و بے کچ گچین ءُ ڈٹ اسے ۔ داخیال آتا درشانی ءِ او رینمن یونیورسٹی ٹی مالیاتی جاچ اکن چین ناہردے ئی گلوبل ٹائمز اتون ہیت وگپ اٹی کرے ۔ اوپارے کہ راہداری نا جوڑ جاڑ نا بناء ٹی 43 سلاہ ئی ڈٹ آتے پک کننگا ہرافتیان پاکستان اٹی 20 ڈٹ زیرتعمیر ءُ یا پورو کننگانو۔ چؤ رونگ پارے کہ راہداری نارداٹ پین 157 ڈٹ بروک آ دُوانزدہ سال اٹی پدریسہ پورو کننگرہ ۔ اوپارے کہ راہداری نا جوڑ جاڑ آن پاکستان نااقتصادی شرح نمو2013ء اٹی 3.5 درسد آن ودسا گدرینگوک آ5 سال اٹی 5.8 اسکان سرمس ہرا ایشیاء ٹی غٹ آن زیات ءِ ۔ اوپارے کہ راہداری ڈٹ آتا کمک اٹ آخبت اٹی پاکستان نا اقتصادی شونداری نا کچ بآسانی 9 درسد اسکان سرمننگ کیک۔
