صدر مملکت ممنون حسین نا گچین کاری عمل نا سرسہبی آ قوم انا جم و جوش انا ستاء
اسلام آباد ۔ 26جولائی (اے پی پی) صدر مملکت ممنون حسین لس گچین کاری 2018 ٹی پبی وڑاٹ بشخ ہلنگ آ قوم انا جم و جوش انا ستاءِ کرینے و پارینے کہ کوئٹہ ٹی دہشت گردی نا است ہسون سانحہ نا باوجود قوم گچین کاری عمل ءِ سرسہب کرسا ثابت کرینو کہ ملک و قوم انا آخبت جمہوری عمل تون گنڈوک ءِ ۔ پنچ شنبے نادے ایوان صدر نا کنڈآن جاری بیان نا رداٹ صدر مملکت ملک انا طول و عرض اٹی گچین کاری عمل ءِ سرسہب جوڑ کننگ کن الیکشن کمیشن ، کانود نافذ کروک آ ادارہ غاتا باسک و عملہ ءِ ہم داوخت آ پارے کہ کٹنگ و باتننگ آن قطع نظر گچین کاری عمل نا شفافیت و قوم انا است جمی المی ءِ ، ہنداخاطرآن المی ءِ کہ قومی سیاسی جماعت و گچین کاری اومیت دار آتااست جمی ءِ المی جوڑ کننگے ۔ داچرجوئی ٹی الیکشن کمیشن آف پاکستان و غٹ تعلقدارادارہ غاک تینا زمواری تے پورو کیر ۔ صدر مملکت اومیت ظاہر کرے کہ گچین کاری عمل اٹی سرسہبی دوئی کروک آ سیاسی واکدارآک پڑکی فائدہ غاتیان ایڑتر مرسا تینا سرسہبی ءِ ملک و قوم انا شونداری نا ذریعہ جوڑ کیرہ ۔
