اسلام آباد ۔ 26جولائی (اے پی پی) بنجاٹی حکومت سازی کن قومی اسمبلی ٹی 172، پنجاب اسمبلی ٹی 186 باسک آتا مخ تفی المی ءِ ۔ اے پی پی نارداٹ قومی اسمبلی نا کل نشست آتا کچ 342 ءِ ہرافتے ٹی 272 جنرل نشست ءُ وایلو مخصوص نشست آک اوار ءُ ۔ داکان سادہ اکثریت کن 186 باسک آتا مخ تفی درکارمریک ۔ پنجاب اسمبلی ٹی باسک آتا کل کچ 371 ہرافتیان 297 جنرل، 66 زالبول ، 8 غیر مسلم نامخصوص نشست آک ءُ ۔ داکان سادہ اکثریت کن 186 نشست درکار ءِ ۔سندھ اسمبلی ٹی کل نشست آتا کچ 168 ءِ ہرافتیان 130 جنرل، 29 زالبول و غیر مسلم تا9 نشست ءُ ۔ داڑے حکومت سازی کن 85باسک آتا مخ تفی درکار مریک۔ خیبر پختونخوا اسمبلی ٹی کل نشست آک 124 ءُ ہرافتیان جنرل نشست آک 99، زالبول 22 و غیر مسلم تا 3نشست ءُ ۔ داڑے سادہ اکثریت کن 63 اومیت دار آتا مخ تفی درکار مریک ۔ بلوچستان اسمبلی ٹی کل نشست آتا کچ 65 ءِ وخت اس کہ جنرل نشست آک 51 ، زالبول نا 11 و 3 غیر مسلم تا نشست آک ءُ ۔ داڑے سادہ اکثریت کن 33 باسک درکار مریک ۔
