اسلام آباد ۔ 25 جولائی (اے پی پی)بنجاہی سیکرٹری ھالرسانکی ءُُ شنگکاری سردار احمد نواز سکھیرا ءَ راجی رسانکدر ادارگ (اے پی پی) ءِ ہیڈ کوارٹر ءِ تروتاب کتگ ءُُ ادارگ ءِ نیمگا چہ اگچینکاری آسر ءَ وتی سبسکرائبرز ءِ تاں وھد ءَ سر کنگ ءِ ھاترا ہڈ الیکشن سیل 2018ءِ جائزگ گپتگ۔اے ساعت ءَ سیکرٹری حالرسانکی ءَ گوشت کہ یک شلہ سیمی رندا شریں وڈ ءَ حاکمی دیئگ ملکی راجدپتر ءِ تہ یک سنگ میل ءِ بستار ایر کنگ ات۔آہاں گوشت کہ استیں گچینکاری ءِ اولی بہر ءَ مردماں ءَ را سرپدی دیئگ ءُُ آہانی دلبڈی کنگی ات تنکہ آں وتی ووٹ ءِ گوما وتی دل پسند ءِ امیتوار ءَ گچین کنگ ءِ ھاترا ڈن در بنت ءُُ وتی کردءَ ادا کن انت وھدیکہ گچینکاری جنز ءِ دومی بہر ءِ پدا مہ ہمہ وھد ءَ گچین کاری ءِ آسر جاڑی کنگ ءِ بہر ءَ انت۔ سیکرٹری اطلاعات ءَ گوشت کہ پاکستان ٹیلی ویژن، ریڈیو پاکستان، ایسوسی ایٹڈ پریس آف پاکستان ءِ ھوار چاریں ڈیپارٹمنٹ الیکٹرانک میڈیا ءُُ سوشل میڈیا ءِ وسیلگ ءَ بروقت،راستیں ءُُ ترندیں آسر ءِ پھجارگ ءِ ھاترا یک نیٹ ورک ءَ پج بوتگ ات۔آہاں گوشت کہ اے ھوالہ ءَ بیک اپ (بدل) پلان ءُُ حکمت عملی ھم ساڑی ات۔اے چاریں ادارگ براہ راست وتی وڈ ءَ ھم الیکشن کمیشن چہ آسر ءَ گپت کن انت۔مئے منصوبگ ات کہ فیلڈ چہ معلومداری ھوار کنان ءَ یک دومیگ ءِ گوما مٹ ءُُ سٹ کنگ بیت تنکہ راج ءَ را وھد ءَ آسر ءَ چہ سرپد کنگ بیت۔آہاں لس گچینکاری ءِ کوریج ءِ ھاترا گہتر بند ءُُ بست ءِ سرا ایم ڈی اے پی پی مسعود احمد ملک ءِ کوشستءَ را ساڑاتگ۔آہاں گوشت کہ اے پی پی پُرشانیں ورثہ ءِ حامل راجی ادارگ ءِ تہ ھوار انت ءُُ ایشی ءَ کدی ھم راج ءَ را مایوس نہ کتگ۔اے ادارگ ءِ تروتاب منی ھاترا شرپ ءِ گپ انت۔ایشی ءَ چہ پیسر ءَ سیکرٹری اطلاعاتءَ را گچینکاری ءِ آسرانی وھد ءِ سرا سبسکرائیبر ءَ تاں پھجارگ ءِ ھاترا الیکشن سیل ءِ وضع کتگیں طریقہ کار ءَ چہ سرپد کتگ۔اے ساعت ءَ ایگزیکٹو ڈائریکٹر اے پی پی اختر منیر، ڈائریکٹر نیوز محمد اکرم ملک، ڈائریکٹر انٹرنیشنل نیوز قمر اﷲ چوہدری، ڈائریکٹر آئی ٹی غواث خان ءُُ ادارگ ءِ دگہ مزن تکے واکدار ھم ساڑی ات۔
