اسلام آباد۔ 25جولائی (اے پی پی) لس گچین کاری تیٹی قومی اسمبلی نا 2 و صوبائی اسمبلی نا 7 حلقہ غاتیٹی چندی سوب آتا بناء آ گچین کاری تے پد بٹنگانے۔ سرجم احوال آتارداٹ قومی اسمبلی نا حلقہ این اے 60 آن مسلم لیگ (ن) نا اومیت دار حنیف عباسی نا نابودی آن پد حلقہ ٹی گچین کاری تے پد بٹنگا۔ قومی اسمبلی نا حلقہ این اے 103 فیصل آباد آن آزاد اومیت دار نا خودکشی نا سوب گچین کاری تے پد بٹنگا۔ خیبر پختونخوا اسمبلی نا حلقہ پی کے 78 پشاور و پی کے 99 ڈیرہ اسماعیل خان اٹی بمب دھماکہ غاتے ٹی اومیت دار آتا تپاخت کننگ نا سوب گچین کاری تے پد بٹنگا۔ داکان بیدس سندھ اسمبلی نا حلقہ پی ایس 87 ملیر اٹی اومیت دار نا کزیت، پنجاب اسمبلی نا حلقہ 87 و پی پی 103 فیصل آباد اٹی اومیت دار نا کزیت نا سوب آن گچین کاری تے پد بٹنگا۔ بلوچستان اسمبلی نا حلقہ پی بی 35مستونگ اٹی ہم خودکش جلہو نا سوب گچین کاری تے پد بٹنگا وخت اس کہ پی ایس 6کشمور آن پیپلزپارٹی نا اومیت دار بیدس مقابلہ گچین مسنے۔
