اسلام آباد۔ 25جولائی (اے پی پی) سیکرٹری الیکشن کمیشن بابر یعقوب فتح محمد پارینے کہ سرسہب اومیت دار آتا نوٹیفکیشن ءِ جاری کننگ آن مست ہمو حلقہ غاتے ٹی زالبول نا 10 درسد وونٹ بٹنگ ءِ پک کننگک۔ چارشنبے نادے ہیت وگپ کرسا او پارے کہ زالبول ءِ ہراکان وونٹ آن توننگا ہموڑے الیکشن ءِ کالعدم گوندنگ مریک، نوٹیفکیشن آن مست چیک کننگک کہ زالبول نا 10 درسد وونٹ ءِ بٹنگا یا آخا۔ یات سلے کہ گچین کاری کانود 2017 ء نا رداٹ ہرا پولنگ اسٹیشن یا حلقہ غاتے ٹی زالبول نا وونٹ انا کچ 10 درسد آن کم مس ہموڑے نتیجہ غاتے کالعدم گوندنگک۔ الیکشن کمیشن بنجائی سیکرٹریٹ اٹی جینڈر(صنفی) ڈیسک اس ہم جوڑ کریسس ہراڑے مچ آ ملک آن زالبول ءِ وونٹ بٹنگ آن توننگ نا بابت غاو موصول کننگ و اوفتیا دمدستی کارروائی کننگا۔
