راولپنڈی۔ 25جولائی (اے پی پی) پاک ایران سیم انا خڑک دشتک نا علاقہ ٹی سم کاری نا تبادلہ ٹی مسہ سیکورٹی کارندہ و پولنگ عملہ نا اسہ کارندہ اس شہید، وخت اس کہ 10 سیکورٹی کارندہ غاتون اوار 14بندغ ٹھپی مسر۔ پاک فوج انا شعبہ تعلقات عامہ (آئی ایس پی آر) نا رداٹ بلوچستان نا حلقہ این اے 271 نا پولنگ اسٹاف ءِ اسہ فوجی رکھی پارٹی اس تدوک آ نن بلیدہ غان دریکہ۔ پولنگ نا عمل ءِ زہمی کننگ کن زمان ماؤنٹین رینج انا خڑک فوجی قافلہ غا جلہو کننگا۔ سیکورٹی فورس آک داکوشست ءِ بے سہب جوڑ کریر و پولنگ عملہ ءِ مقررہ ہند آ سرکریر۔ سم کاری نا تبادلہ آن سیکورٹی فورس آتا مسہ کارندہ ڈیرہ بگٹی آن تعلق تخوک آ 21سالہ سپاہی عمران، چکوال نا 25سالہ سپاہی جہانزیب و ہری پور آن 23سالہ سپاہی اکمل وخت اس کہ پولنگ عملہ نا سکول ٹیچر صفی اللہ شہید مسر۔ جلہو اٹی 10 سیکورٹی کارندہ و چار شاری تتون اوار 14بندغ ٹھپی مسر۔ 10 شدید ٹھپی تے کراچی ہسپتال آ گدریفنگا وخت اس کہ چار معمولی ٹھپی تے ڈسٹرکٹ ہیڈ کوارٹر ہسپتال آ گدریفنگا۔ ہندا پولنگ اسٹیشن آ پولنگ نا عمل ءِ معمول نا رداٹ پورو کننگانے ۔
