اسلام آباد ۔ 24 جولائی (اے پی پی) نگران بنجائی وزیر اطلاعات و نشریات و قومی تاریخ و ادبی میرات سیّد علی ظفر پارینے کہ ملکی سیاسی تاریخ اٹی لس گچین کاری 2018ء بھاز اہمیت تخرہ ۔ سے شنبے نادے پی ٹی وی ورلڈ اتون اسہ انٹرویو اسے ٹی او پارے کہ پاکستان نا تقدیر ووٹرآتا دوٹی ءِ ہرافک تینا دا حق ءِ ضرور بایدے کاریم اٹ اتیر۔ اوپارے کہ نگران بنجائی و صوبائی حکومت آک ، الیکشن کمیشن آف پاکستان و تعلقدار ادارہ غاک پرامن و سازگار گچین کاری چاگڑد نا فراوانی کن غٹ ممکنہ گام گیج کرینو ۔او مستی پارے کہ وونٹ انا اہمیت نابارواٹ بیداری ودی کننگ کن میڈیا نا کڑد ہم ستاء کڑزک ۔ بیرسٹر سید علی ظفر نا پاننگ ئس کہ ای ہم جمہوری عمل ءِ سوگو جوڑ کننگ اٹ تینا بشخ ءِ ادا کننگ کن غٹ سیاسی جماعت آتا منت واری ءِ ہرفیوہ ۔ او اومیت ظاہر کرے کہ پولنگ نا عمل پرامن چاگڑد اٹ پورو کننگک انتئے کہ نگران سیٹ اپ پورو وڑاٹ غیر جانبدار ئس ہرا ملک اٹی آزادانہ، صاف و شفاف گچین کاری تے المی جوڑ کننگ نا کوشست کریکہ ۔
