اسلام آباد ۔ 24 جولائی (اے پی پی) منی لانڈرنگءُُ ناشرکاری ءِ مالی کمک دارگ ءِ ھاترا نیشنل کاؤنٹر ٹیررازم اتھارٹی(نیکٹا) ءُُ سکیورٹیز اینڈ ایکسچینج اتھارٹیز آف پاکستان (ایس ای سی پی)ءِ میان ءَ منوگری قولبند ءِ سرا دست چنگل کنئگ بوتگ ات۔سئے شمبے ءَ اے درگت ءَ نیکٹا ہیڈکوارٹرز ءِ تہ مراگش برجم دارگ بوتگ ایشی ءِ تہ نیکٹا ءِ نیمگا چہ نیشنل کوآرڈینیٹر ڈاکٹر محمد سلیمان خان ءُُ چیئرمین ایس ای سی پی شوکت حسین ءَ منوگری قولبند ءِ سرا دست چنگل کتگ ات۔اے منوگری قولبند ءِ مکسد ناشرکاری ءِ ھاترا مالی کمک ءِ گر ءُُ دار ءِ یکجاھیں کوشست کنگی ات۔اے ساعت ءَ گپ ءُُ تران کنان ءَ نیکٹا ءِ نیشنل کوآرڈنیٹر ڈاکٹر محمد سلیمان ءَ گوشت کہ نیکٹا ءُُ ایس ای سی پیءِ میان ءَ اے شراکت داری وش اتک انت۔آہاں گوشت کہ نیکٹا ناشرکاری ءِ ھلاپ ءَ تھنک ٹینک ءِ وڈ ءَ ادارگانی میان ءَ کوارڈینیشن ءُُ پالیسی ساچی ءُُ پیسلہ ساچی ءِ ھاترا ھاسیں کرد ادا کنگ ات۔آہاں گوشت کہ اے ایم او یو ءِ ردا جوائنٹ کنسلٹیٹو گروپ ہد دیئگ بیت ءُُ یک دومیگ ءِ تجربگ ءَ چہ پائدگ زورگ بیت۔ کانود برجاہ داروکیں ادارگہانی استعداد کار ءُُ بودءِ تہ ودکی ءِ ھاترا گامگیج زورگ بیت۔آہاں گوشت کہ میاں اوستمانی پس منظر ءَ ایس ای سی پی ءُُ نیکٹاءِ وت مہ وتی کمک ھاسیں ارزشت دار انت۔آہاں گوشت کہ ناشرکاراں را مالی کمک ءُُ کلدار پھجارگ ءِ درکانودی وڈ ءِ باروا سرپدی دیئگ بیت۔
