اسلام آباد ۔ 24 جولائی (اے پی پی) چین پاکستان اقتصادی راہداری منصوبگ (سی پیک)ءِ رداضلع فیصل آباد ءِ تہ علامہ اقبال ایم 3 اقتصادی زونءِ سرا کار ترندی ءَ گوں برجاہ ات ،علامہ اقبال ایم 3 اقتصادی زونءِ ھاترا 3000 ایکڑ اراضی گپتگ اتءُُ صنعتی بستی ءِ ھڈ دیئگ ءِ ھاترا گامگیج ترند کنگ بوتگ ات۔ وزارت منصوبہ بندیءِ تہ ہڈ سی پیک سیکرٹریٹ ءِ واکدار ءِ گوشگ ءِ ردا اقتصادی زون ءِ تہ فروٹ ءُُ وردنی چیزانی پیکیجنگ ، ٹیکسٹائیل سٹچنگ و نیٹنگ ءُُ دگہ ہمگرنچ صنعتانی ہڈءُُ ایشانی ھاترا آسراتی ءِ دلگوشی دیئگ بیت۔یک جستے پسو ءَ آہاں گوشت کہ اے دمگ ءَ صنعتی بستی ءِ ہڈ دیئگ ءِ صلاح صوبائی حکومت ءِ نیمگا چہ اتکگ ات ءُُ ایشی ءِ تہ بنجاہی حکومت ءِ نیمگا چہ ہچ دست مانجنی کنگ نہ بوتگ۔حکام ءِ گوشگ ءِ ردا سی پیک ءِ دومی بہر ءَ پاکستان ءِ تہ چین ءِ کمک ءَ گوں صنعتی آشوب کئیت ،اے بہر ءِ تہ ملک ءِ چاریں صوبگ، گلگت بلتستان، فاٹا ءُُ آزات کشمیر ءِ تہ یکجاھیں وڈ ءَ 9صنعتی زونز جوڈ کنگ بنت۔
