کوریائی کمپنیک پاکستان اٹی زرکار دوست چاگڑدآن پبی فائدہ ہرفر
اسلام آباد۔ 24جولائی (اے پی پی) نگران وزیراعظم جسٹس (ر) ناصر الملک جزیرہ نما کوریا ٹی مثبت پیش ہائے رفت نا ستاءِ کرسا کوریائی کمپنی تے سلہ خلکونے کہ او پاکستان اٹی زرکار دوست چاگڑد آن پبی فائدہ ہرفر۔ اوداہیت ءِ جمہوریہ کوریا نا سفیر کواک سیونگ کیو تون ہیت وگپ کرسا پارے ہراسے شنبے نادے وزیراعظم آفس اٹی اوڑتون اوڑدہی کرے۔ وزیراعظم پارے کہ پاکستان جمہوریہ کوریا تون متکن آ سنگتی نا تعلقداری تے بھاز اہمیت ایتک۔ اواومیت ظاہر کرے کہ دا خوشگوار تعلقداریک غٹ بشخ آتے ٹی شون ہلیرہ۔ ہڑتوم آ ملک آتا نیام اٹ معاشی و شونداری کمکاری نا ذکر ءِ کرسا وزیراعظم کوریائی کمپنی تے پاکستان اٹی زرکاردوست چاگڑدآن پبی فائدہ ہرفنگ نا سلہ خلک۔ اوجزیرہ نما کوریا ٹی مثبت ہائے پیش رفت نا ستاءِ کرے۔ کوریائی سفیر وزیراعظم ءِ پاکستان اٹی چندی بشخ آتے ٹی کوریائی کمپنی تا جاری ڈٹ آتا بارواٹ معلومدار کرے۔ اوپاکستان نا اقتصادی شونداری نا ستاءِ کرے و اودے پاکستان اٹی کوریائی کمپنی تا زرکاری ٹی ودکی تون باہم منسلک کرے۔ اومعیشت، واپار، زرکاری و افرادی واک انا بشخ آتے ٹی کمکاری ءِ پین سوگوی تننگ کن پاکستان تون اواری اٹ کاریم ءِ برجاتخنگ نا عزم انا اعادہ ءِ کرے۔
