اسلام آباد۔ 24جولائی (اے پی پی ) لس گچین کاری 2018 ء ٹی قومی سرکڑدہ غاک تینا تینا باوہ پیرہ ہی آ حلقہ غاتے ٹی تینا وونٹ انا حق ءِ کاریم اٹ اتیرہ۔ صدر مملکت ممنون حسین کراچی ٹی تینا وونٹ ءِ بِٹک ۔ تحریک انصاف نا سروک عمران خان قومی اسمبلی نا حلقہ این اے 53اٹی تینا وونٹ ءِ بٹک۔ مسلم لیگ (ن) انا صدر شہباز شریف تینا باوہ پیرہ ہی آ حلقہ این اے 132 وخت اس کہ بلاول بھٹو زرداری این اے 200 لاڑکانہ ٹی تینا وونٹ ءِ بٹیرہ ۔ ’’اے پی پی‘‘ نا رداٹ مسکوہی صدر آصف علی زرداری نواب شاہ ٹی تینا باوہ پیرہ ہی حلقہ ٹی وونٹ بٹک۔ مسکوہی وزیراعظم شاہدخاقان عباسی این اے 57 مری، مسکوہی وزیراعظم راجہ پرویز اشرف این اے 58 گوجر خان، متحدہ مجلس عمل نا سروک مولانا فضل الرحمان این اے 38 ڈیرہ اسماعیل خان ، جماعت اسلامی نا امیر سراج الحق این اے 7 لوئر دیر ، عوامی نیشنل پارٹی نا سروک اسفند یار ولی خان چارسدہ ولی باغ اٹی تینا باوہ پیرہ ہی حلقہ ٹی وونٹ بٹک۔ عوامی مسلم لیگ نا سروک شیخ رشید احمد راولپنڈی نا حلقہ این اے 62 اٹی تینا وونٹ ءِ بٹک۔ آزاد اومیت دار چوہدری نثارعلی خان این اے 63واہ کینٹ اٹی تینا باوہ پیرہ ہی آ پولنگ اسٹیشن چکری ٹی وونٹ بٹک۔
