اسلام آباد۔ 24جولائی (اے پی پی) چیئرمین سینیٹ محمد صادق سنجرانی سول ہسپتال کوئٹہ نا دورہ ءِ کرے ہراڑے او دالبندین و چمن اٹی دھماکہ غاتے ٹی ٹھپی مروک آتا جان پڑسی ءِ کرے۔ چیئرمین سینیٹ تون اوار سینیٹر نصیب اللہ بازئی ہم ساڑی ئس۔ چیئرمین سینیٹ ٹھپی تا زوت جان جوڑی کن دعاکرے۔ اوگچین آسراتی تا فراوانی آ ہسپتال انتظامیہ نا کوشست آتا ستاءِ ہم کرے۔ چیئرمین سینیٹ پارے کہ دہشت گردی نا برخلاف پاکستان قوم انا عزم بدل مفروک ءِ ، و پاکستان دہشت گردی نا کارروائی تا ہروڑاٹ مذمت ءِ کیک۔ اوپارے کہ شونداری و امن دشمن تے شکست مریک۔ ولے داوخت آ تینا صف آتے ٹی سیوت ودی کننگ نا سخت ضرورت ءِ۔
