اسلام آباد۔ 24جولائی (اے پی پی) پاکستان اٹی رجسٹرڈ اوغان باہوٹ آتا رضاکارانہ وطن آ پدی ہِننگ نا غرض اٹ اضاخیل نوشہرہ و کوئٹہ ٹی جوڑ کروک یو این ایچ سی آر نا بنجاک (اینو) چارشنبے نادے آ بند مریرہ۔ دا بنجاک(پگہ) پنچ شنبے نادے ہردے آمبار دُوارہ ملنگرہ ۔ سے شنبے نادے یو این ایچ سی آر نا کنڈآن جاری اسہ بیان اسے نارداٹ مچ آ ملک اٹی لس گچین کاری تا سوب کوئٹہ و نوشہرہ ٹی رجسٹرڈ اوغان باہوٹ آتا رضاکارانہ وطن آ پدی ہِننگ کن جوڑ کروک بنجاک (اینو) چارشنبے نادے آ بند مریرہ۔ رضاکارانہ وطن آ پدی ہنوک آ اوغان باہوٹ آتے پارت کننگانے کہ او پین معلومداری کن 0300-858-5600 پشاور،0300-1511636. 0333-781-9601 کوئٹہ و 03005018568اسلام آباد، پنجاب ناہیلپ لین آتیا رابطہ کننگ کیرہ ۔
