آفیسر آک اِرٹ، ایلو ملازم آک اسہ دے انا پنداوڑی ءِ عطیہ کریر
اسلام آباد۔ 24جولائی (اے پی پی) پاکستان نیشنل شپنگ کارپوریشن (پی این ایس سی ) نا کنڈآن دیامر بھاشا و مہمند ڈیم تا جوڑ جاڑ کن چیف جسٹس آف پاکستان جسٹس میاں ثاقب نثار نا پارت آ جوڑ کروک آ خصوصی فنڈ اٹی 20ملین (اِراکروڑ) روپئی نا عطیہ تننگانے۔ پی این ایس سی نا کنڈآن جاری پڑو نا رداٹ پی این ایس سی نا چیئرمین رضوان احمد چیف جسٹس پاکستان میاں ثاقب نثار ءِ عطیہ نا چیک پیش کرے۔ بیان نا رداٹ ادارہ نا آفیسر آتا کنڈآن تینا اِرادے انا پنداوڑی وخت اس کہ ایلو ملازم آتا کنڈآن اسہ دے انا پنداوڑی ءِ ڈیم فنڈ اٹی عطیہ کننگانے۔
