اسلام آباد ۔ 23 جولائی (اے پی پی) پاک بحریہ ءِ سروج ایڈمرل ظفر محمود عباسی ءَ مالدیپ ءِ صدر عبداللہ یامین عبدالگاروم ءَ مالدیپ ءِ سرکاری تر ءُُ تاب ءِ ساھت ءَ گند ءُُ نند کت۔ دارچین پاک بحریہ ءِ رد ءَ گند ءُُ نند ءِ ساھت ءَ جتا جتائیں کار آنی سر ءَ گپ ءُُ تران کنگ بوتگ۔ ایڈمرل ظفر محمود عباسی ءَ ناشرکاری ءِ ھلاپ ءَ جنگ ءَ پاکستان ءِ جزم ءُُ کرد آں ھوار بحرہند ءَ ایمنی ءُُ برجائی ءَ را دل یکیمی جوڑ کنگ ءِ رچ ءِ تہ ءَ پاکستان ءِ پالیشی آنی روژنائی ءَ دمگی میری ٹائم سیکورٹی ءَ پاک بحریہ ءِ کرد ءُُ ازمت آناں سہرا کتگ۔ استیں زمانگ ءِ چیلنجز آں چہ شید ءُُ بید بوھگ ءِ رد ءَ پاک بحریہ ءُُ مالدیپ ءِ نیشنل ڈیفنس فورس کوسٹ گارڈ ءِ گیشاں چہ گیش کمک کنگ ءِ سر ءَ زور پر دیان ءَ گوشت کہ ایڈمرل ظفر محمود عباسی ءَ یک لینڈنگ کرافٹ میکانائزڈمالدیپ ءَ را بطور ٹیکی دیگ ءِ جار جت ایش دمگی ایمنی ءُُ سیکورٹ ءَ را برجائی ءِ واستہ مالدیپ کوسٹ گارڈ ءِ کمک ءَ کنت۔ جمہوریہ مالدیپ ءِ صدر ءَ پڑ ءَ میری ٹائم سیکورٹی ءِ برجا دارگ ءِ ھاترا پاک بحریہ ءِ کوشست آناں ساڑات ءُُ لینڈنگ کراگٹ میکانائزڈ سوگات کنگ ءِ رد ءَ پاک بحریہ ءِ سروک ءِ شگر گپت۔ مالدیپ ءِ صدر ءَ پاکستان ءُُ مالدیپ ءِ صدر ءَ پاکستان ءُُ مالدیپ ءِ نیام ءَ جتا جتائیں شوبگ آں ھوار ھیل کاری وتی مہ وتی روگ ءُُ آیگ ءُُ جتا جتائیں کار آنی سر ءَ ھیال ریجی ءِ رد ءَ مھکمیں راجدپتر ءُُ یکوئی ءُُ شریکدار ی ءِ سر ءَ دل یکیمی ءِ درشان کت ءُُ آیوکیں باندات ءُُ دو نیمگی سیادی ءِ دیمروئی ءِ سر ءَ کمک ءُُ دیمپانی یکوئی آناں گیش مھکم کنگ ءِ امیت درشان کت۔ ایڈمرل ظفر محمود عباسی ءَ مالدیپ آرمڈ فورسز ءِ ھیل کاری، ساز ءُُ سامان، تکنیکی ’’افرادی قوت‘‘ ءُُ دیمپانی یکوئی ءَ گیش مھکمی ءِ امیت درشان کت۔ ایڈمرل ظفر محمود عباسی ءَ مالدیپ آمڈ فورسز آنی تربیت، ساز ءُُ سامان ، تینکی ءُُ کزبی ازمکاری آنی پجاری ءِ رد ءَ پاکستان ءِ یک شل ءَ کمک ءِ جزم ءِ درشان کت۔ بحرہند ءِ پڑ ءَ تیابی ریاست ءِ بوھگ ءِ سبب ءَ دوئیں ملک آنی یکجائی میری ٹائم چیلنجز آنی گوما دیم پہ دیمی اِنت۔ حکومت پاکستان ءِ درئی پالیشی آنی پراھ ءُُ شاھیگانی ءِ رد ءَ پاک بحریہ ءِ بحرِہند ءِ پڑ ءِ تیابی سیم سر آنی گوما زرّئی کمک آنی ودینگ ءِ کوشست ءَ اِنت۔ اے تر ءُُ تاب دوئیں ملک آنی نیام ءَ ھاسیں رنگ ءَ ءُُ دوئیں آپی اُرد آنی نیام ءَ کمک ءِ دیمروئی ءِ سبب جوڑ بنت۔
