اسلام آباد ۔ 23 جولائی (اے پی پی) لس گچینکاری 2018ءِ تہ آفیشل کوڈ مارک ءُُ اسسٹنٹ پریزائیڈنگ افسر ءِ دست چنگل ءِ ابید بیلٹ پیپر کاونٹ کنگ مہ بنت ایوکا ھاسیں 9خانہ ءِ مہر والا بیلٹ پیپر کاونٹ کنگ بنت۔ الیکشن کمیشن ءِ گوشگ ءِ رداآفیشل کوڈ مارک ءُُ اسسٹنٹ پریذائیڈنگ افسر ءِ دست چنگل ءِ ابید بیلٹ پیپر کاونٹنگ ءَ چہ در کنئگ بیت۔ واٹر مارک والا بیلٹ پیپر ءِ ابید دومی بیلٹ پیپر ھم در کنئگ بیت۔ الیکشن کمیشن ءِ گوشگ ءِ ردا ایوکا 9خانہ ءِ مہر والا بیلٹ پیپرکاونٹ کنگ بیت ءُُ ہما بیلٹ پیپر کاونٹ کنگ بیت کہ آئی ءِ سرا مہر ءُُ نشان کسے ھاسیں امیتوار ءِ ھاتراپدر بیت، دومی نیمگا کاگد یا دگہ ہچ چیز جنئگ ءَ گوں بیلٹ پیپر خارج منئگ بیت۔الیکشن کمیشن ءِ گوشگ ءِ ردا یک نشان ءِ سرا یک چہ گیش رندءَ نشان جنئگ بوتگیں پیپر منئگ مہ بیت۔لس گچینکاری ءِ ھاترا پولنگ 25 جولائی ءَ سہب ءِ8بج ءَ چہ بگر داں بیگاھ 8بج ءِ ساعت ءَ تاں برجاہ بیت۔پدر بہ بیت کہ ملکی راجدپتر ءَ اولی رند ءَ پولنگ ءِ وھد ءَ یک کلاک ءِ ودکی کنگ بوتگ ات، ایشی ءَ چہ پیسر ءَ پولنگ سہب ءِ 8چہ بگر داں بیگاھ 5بج ءَ تاں بوتگ ات۔
