اسلام آباد ۔ 23 جولائی (اے پی پی) سرجمیں ملک ءَ آوکیں لس گچینکاری ءِ ھاترا پولنگ (باندا)چار شمبےءَ بیت، 10 کروڑ 59 لکھ 55 ہزار 409 ووٹر آوکیں پنچ سال ءِ ھاترا راجی اسمبلی ءِ270ءُُ چارایں صوبائی اسمبلی آنی ھاترا وتی نماھندگ آنی گچینکاری کن انت۔مچ 3 ہزار 675 امیدوار قومی اسمبلی وھدیکہ 8 ہزار 895 امیدوار صوبائی اسمبلی آنی گچینی ءِ تہ میدان ءِ تہ انت۔ پولنگ ءِ روچ ءَ سرجمیں ملک ءَ 25 جولائی ءَ لس موکل ءِ جار جنئگ بوتگ ات۔ پولنگ سہب ءِ8بج ءَ چہ بگر داں بیگاھ 6بج ءَ تاں ابید اوشت ءِ برجاہ بیت۔ پولنگ سٹیشنءِ تہ ءُُ ڈن ءَ پاک پوج ءِ دو ،دو کارندھ ایر بنت۔راجی اسمبلی 2 حلقہ ءَ گچینکاری مہتل کنگ بوتگ ات۔مچ85ہزار ءَ چہ گیش پولنگ اسٹیشن ہڈ دیئگ بوتگ ات۔ایشاں چہ 17 ہزارءَ چہ گیش پولنگ سٹیشن باز حساس قرار دیئگ بوتگ ات۔ایشانی تہ اسلام آباد ءُُ پنجاب ءَ چہ5487، سندھ 5878، فاٹا، خیبرپختونخوا 3874 وھدیکہ بلوچستان ءِ تہ 1768 پولنگ سٹیشن ھوار انت۔سرجمیں ملک ءِ تہ زالبول ووٹرانی کساس 4 کروڑ 67 لکھ 31 ہزار 146، مرد ووٹرزءِ کساس 5 کروڑ 92 لکھ 24 ہزار 263 انت۔پنجاب ءِ تہ ووٹرزءِ مچ کساس 6 کروڑ 6 لکھ 72 ہزار 870، سندھ 2 کروڑ 23 لکھ 91 ہزار 244، خیبرپختونخوا یک کروڑ 53 لکھ 16 ہزار 299، بلوچستان 42 لکھ 99 ہزار 494، فاٹا 25 لکھ 10 ہزار 154 وھدیکہ اسلام آباد 7 لکھ 65 ہزار 348 انت۔سئے ءُُ نیم لکھ فوجی ورناء ءِ ابید چار ءُُ نیم لکھ ءِ نزیک سول آرمڈ فورسز ءِ کارندہ گچینکاری ءِ ساعت ءَ امن ءُُ ایمنی برجاہ دارگ ءِ ھاترا فرضاں پیلو کن انت۔مچ ھفت لکھ ءِ نزیک پولنگ ءِ عملہ وتی فرض پیلو کن انت۔ الیکشن کمیشن ءَ دراھیں عملہ ءُُ سیکیورٹی ادارگہانی ایر کارندہاں چہ در جانبداری ءِ کڈنی داتگ ۔سیاسی گلاں،امیتواراں،سیکیورٹی کارندہاں،میڈیا،درملکی ءُُ ملکی مبصرانی ھاترا راھبندجاڑی کنگ بوتگ ات۔ 60 ہزارءَ چہ گیش میڈیاءِ نماھندگ ءَ را پولنگ سٹیشن ءِ تاں ایکسیس ءِ ھاترا ھاسیں پاس جاڑی کنگ بوتگ ات۔ میڈیا ءَ را پابند کنگ بوتگ کہ پولنگ ءِ وھد سرجم بوھگ ءِ یک کلاک ءِ تاں کجام ھم آسر جاڑی کت نہ کن انت۔پریزائیڈنگ آفیسران آر ٹی ایس سسٹم ءِ ردا زوت پولنگ سٹیشن ءِ آسر الیکشن کمیشن ءُُ ریٹرننگ آفیسر ءَ را دیم دیگ ءِ پابند بنت۔ الیکشن کمیشنءَ پولنگ سٹیشن آنی باروا سرجم معلومداری ویب سائٹ ءِ سرا جاڑی کنگ بوتگ ات۔ الیکشن کمیشن ءِ نیمگا چہ پوج ءِ بگہوانی ءِ تہ بیلٹ پیپرز ءُُ گچینکاری چیز انی پھجارگ ءِ کار سرجم کنگ بوتگ ات۔ افواج پاکستان ءُُ اے رنگیں دگہ سرکاری کارندھ ہمہ کہ وتی سرکاری ذمہ واریانی آسر ءَ آن ڈیوٹی بنت آں وتی ووٹ پوسٹل بیلٹ ءِ وسیلگ ءَ کاسٹ کتگ ات۔ الیکشن کمیشنءِ سرجمیں ملک ءَ مانیٹرنگ ٹیمباں راھبندانی ھلاپ ورزی ءِ سرا میتوارانی ھلاپ ءَ زوت کارروائی کتگ ات۔گچینکاری کانود 2017ءِ ردا دراھیں سیاسی گل 5درسد ٹکٹ عمومی نشست آنی سرا زالبول ءَ را دیئگ ءِ پابند کنئگ بوتگ ات ایشی ءِ پدا راجی اسمبلی ءِ تہ پاکستان پیپلز پارٹی ءَ 43، تحریک انصاف ءَ 42، مسلم لیگ (ن) ءَ 37، متحدہ مجلس عمل ءَ 33، متحدہ قومی موومنٹ پاکستان ءَ 6، گرینڈ ڈیموکریٹک الائنسءَ 8 ءُُ عوامی نیشنل پارٹیءَ 14 زالبول امیتواراں را ٹکٹ جاڑی کتگ ات۔ پنجاب اسمبلی ءِ ھاترا 4 ہزار 242، سندھ اسمبلی 2 ہزار 382، خیبرپختونخوا یک ہزار 264، بلوچستان اسمبلی ءِ ھاترایک ہزار ھفت امیتوار میدان ءِ تہ انت۔ پنجاب ءِ راجی اسمبلی ءِ141 نشستانی سرا 1696 امیدوار، سندھ ءِ 61 نشستانی سرا 872، خیبرپختونخوا ءُُ فاٹا ءِ 51 نشستانی سرا 760 وھدیکہ بلوچستان چہ راجی اسمبلی ءِ 16نشستاں چہ 303امیتوار دیم پہ دیم انت۔
