اسلام آباد۔ 23جولائی (اے پی پی) چیئرمین سینیٹ محمد صادق سنجرانی دالبندین اٹی بلوچستان عوامی پارٹی نا گچین کاری دفترآ دستی بمب جلہو نا ترند انگا لوز آتیٹی مذمت ءِ کرسا پارے کہ دہشت گرد آک ملک انا شونداری ، شونہالی و جمہوریت ءِ لتاڑ کننگ نا رند اٹ تموک ءُ ولے غٹ سیاسی جماعت آتے جمہوریت نا بقاء و ملک انا شونداری کن تینا صف آتیٹی سیوت ودی کروئی مریک تانکہ دا عنصرآتا حوصلہ شکنی ءِ کننگے ہرا ملک اٹی افراتفری تالان کرسا تینا مذموم عزم انا دوئی ءِ ممکن جوڑ کننگ خوارہ۔ چیئرمین سینیٹ ٹھپی تا زوت جان جوڑی کن دعا ہم کرے۔ اوبلوچستان حکومت آ زور شاغا کہ ٹھپی تے ہروڑطبی آسراتی تننگے۔
